Магистратура бөлүмүнүн педагогика багыты жана кыргыз тили жана адабияты профилинин магистранттары Кыргыз Республикасынын Президентинин “Инсандын руханий, адеп-ахлактык өнүгүүсү жана дене тарбиясы жөнүндө”, “Улуттук дем – дүйнөлүк бийиктик” жана “Уңгу жолу” Жарлыктарына ылайык, ошондой эле 12-декабрь – Улуттук адабият күнүнө карата “Адабият – нарктуулуктун, улуулуктун башаты” аталышындагы жумалыктын алкагында уюштурулган төгөрөк столго жигердүү катышышты.
“Мектептерде кыргыз адабиятын окутуу: жетишкендиктери жана көйгөйлөрү” темасындагы талкууда КӨЭАУнун ФО(КЯ)м-1-25 тайпасынын магистранты Рысбек кызы Бурулча “Мектепте кыргыз тилин жана адабиятын окутуудагы көйгөйлүү маселелер жана аларды чечүүнүн жолдору” деген темада, ал эми ПМНОм-1-24 тайпасынын магистранты Садирали кызы Айгерим “Эне тил сабагында сөздүк иштеринин түрлөрү жана усулдары” деген темада мазмундуу баяндама жасап, кызыктуу талкууларды жаратышты жана атайын сертификаттарга ээ болушту. Иш-чарага мектеп мугалимдери да активдүү катышып, жыйынтыгында маанилүү сунуштар жана чечимдер кабыл алынды.Эскерте кетсек, төгөрөк стол ОшМУнун филология жана маданияттар аралык коммуникация институтунун филологиялык билим берүү технологиялары кафедрасы тарабынан уюштурулду.
Мындай илимий аянтчалар келечектеги мугалимдердин кесиптик өнүгүүсүнө жана улуттук баалуулуктарды даңазалоого чоң салым кошот!
Коммуникация жана медиа департаменти
